Қазақстанда 4-5 мамыр аралығында COVID-19 және КВИ белгілері бар пневмонияның 2620 жағдайы анықталды

Күні: 09:38, 06-05-2021.

Астана. 6 мамыр. ҚазТАГ-4-5 мамыр аралығында Қазақстанда Covid-19 (КВИ+) және коронавирустық инфекция (КВИ -) белгілері бар пневмонияның 2620 жағдайы анықталды, деп хабарлайды Денсаулық сақтау министрлігінің баспасөз қызметі.

"2020 жылдың 13 наурызынан 2021 жылдың 5 мамырына дейін КВИ+: ауру – 334 812 (өткен тәулікте 2443), өлім – 3833 (4 мамырда 37); 2020 жылдың 1 тамызынан 2021 жылдың 5 мамырына дейін КВИ-: ауру – 53 299 (4 мамырда 177), өлім – 823 (4 мамырда алты)", - делінген бейсенбіде таратылған хабарламада.

Денсаулық сақтау министрлігінің ақпараты бойынша, қазіргі уақытта КВИ-дан ем алуды 43 253 адам (42 792 КВИ+ және 461 КВИ–) жалғастыруда, оның ішінде стационарларда 14 489 пациент, амбулаториялық деңгейде-28 764 пациент бар.

"КВИ+ және КВИ науқастарының ішінде: ауыр халде – 780 пациент, аса ауыр халде – 195 пациент, ӨЖЖ (өкпені жасанды желдету – ҚазТАГ) аппараттарында – 121 пациент бар", - делінген хабарламада.

Ресми деректер бойынша, Қазақстанда COVID-19-дан 288 187 адам сауығып кетті.

Денсаулық сақтау министрлігінің хабарлауынша, КВИ вакцинасының бірінші компонентін 1 565 681 адам алды.


Жаңалықтармен бөлісу: