Алматы. 12 ақпан. ҚазТАГ – Қазақстанда қаңтарда халықаралық резервтер $352 млн артты, деп хабарлады ҚР Ұлттық банкінің баспасөз қызметінен.
«Халықаралық резервтер бір айда 352 млн долларға (+1,2%) ұлғайып, 2020 жылғы 31 қаңтардағы жағдай бойынша 29,31 млрд долларға жетті», - делінген сәрсенбіде таратылған хабарда.
Ұлттық банк атап өткендей, «бағалы металл бағасының өсуіне және нақты тазартылған алтынды сатып алуға байланысты алтын портфелін оң қайта бағалау мемлекеттік борыштың өтелуіне және Ұлттық Банктегі екінші деңгейдегі банктердің валюталық шоттарындағы қалдықтардың төмендеуіне қарамастан алтын-валюта қорларының ұлғаюына алып келді».
«Еркін айырбасталатын валюталардағы активтер 9,67 млрд долларға дейін – 415 млн долларға (-4,1%) азайды. Алтындағы активтер өткен айда 19,64 млрд долларға дейін - 768 млн долларға (+4,1%) ұлғайды. Бұл алтын бағасының 4%-ға өсуі және басым құқық шеңберінде сатып алу есебінен болды», - деп хабарлады баспасөз қызметінен.
Хабарда атап өтілгендей, биыл Ұлттық Банк жаңа Тұжырымдама шеңберінде Ұлттық қордың пайдасына алтын сатуды жалғастырады. Қаңтарда Ұлттық қорға 100 млн долларға 2 тонна алтын сатылды.
«Резервтердің валюта бөлігі өткен айда азайды. Бұл мемлекеттік борыштың өтелуіне және Ұлттық Банктегі екінші деңгейдегі банктердің валюталық шоттарындағы қалдықтардың төмендеуіне байланысты болды», - делінген хабарда.
Қатысты сілтемелер
-
Тоқаев Боао Азия форумының ХХІІІ сессиясына қатысу үшін Қытайға келді28 Наурыз 2024, 09:22
-
Бейсенбі күні Қазақстанның басым өңірінде жауын- шашын күтіледі28 Наурыз 2024, 09:03
-
Ақтөбе облысында пойыз вагондары рельстен шығып кетті27 Наурыз 2024, 16:34