Астана. 7 тамыз. ҚазТАГ – Қазақстанда алдағы үш тәулікте жаңбыр жауып, күн күркірейді деп күтіледі, деп хабарлады «Қазгидромет» РМК баспасөз қызметінен.
«Алдағы үш күн ішінде Қазақстан аумағы арқылы оңтүстік циклон өтеді, онымен еліміздің басым бөлігінде ауа райының тұрақсыз сипаты сақталады. Найзағай ойнап, жаңбыр жауады, солтүстік-батыста кей жерлерде қатты жаңбыр күтіледі», - делінген 8-10 тамызға арналған ауа райы болжамында.
Кей жерлерде дауыл тұрып, бұршақ түсуі мүмкін.
«Тек еліміздің шығысында ауа райы жауын-шашынсыз сақталады. Республика бойынша жел күшейеді», - делінген хабарда.
Қазақстанда алдағы үш тәулікте жаңбыр жауып, күн күркірейді деп күтіледі
