Қазақстанда Азия елдері жазушыларының форумы өтеді

Күні: 17:35, 23-05-2019.

Астана. 23 мамыр. ҚазТАГ - Қазақстанда Азия елдері жазушыларының форумы өтеді, деп хабарлады мемлекет басшысы баспасөз қызметінен.
«Мемлекет басшысы Қасым-Жомарт Тоқаев Қазақстан Жазушылар одағының төрағасы Ұлықбек Есдәулетті қабылдады. (…) Қазақстан Президентіне әдебиеттің қазіргі жағдайы мен дамуы, Жазушылар одағының атқарған жұмыстары және алдағы жоспары жөнінде мәлімет берілді. Сонымен қатар Жазушылар одағының төрағасы Ұлықбек Есдәулет биыл елімізде өтетін Азия елдері қаламгерлерінің форумына дайындық мәселесі жайлы баяндады», - делінген бейсенбідегі Ақорда хабарында
Қасым-Жомарт Тоқаев ұлттық рухани әлеуетті ілгерілету ісінде ақын-жазушылар қауымы маңызды рөл атқаратынын атап өтті.
Соңында Мемлекет басшысы Жазушылар одағының жұмыстарына жоғары баға беріп, қаламгерлерге шығармашылық табыс тіледі.


Жаңалықтармен бөлісу: