Қазақстанда банктік активтердің сапасы бағаланады

Күні: 12:16, 05-02-2019.

Астана. 5 ақпан. ҚазТАГ – Қазақстанда банктік активтердің сапасы бағаланады, деп хабарлады Ұлттық банк (ҰБ) баспасөз қызметінен.
«2019 жылы Қазақстан Ұлттық Банкі банк активтерінің сапасын жан-жақты бағалау бойынша дайындық жұмысын бастайды, қаржы реттеушісі бұл мәселелерді банктермен талқылай бастады», - деп хабарлады ҰБ төрағасы Данияр Ақышев сейсенбідегі үкімет отырысында.
Мемлекет басшысының тапсырмаларын орындау шеңберінде Қазақстан Ұлттық Банкі қаржы секторын қалыпқа келтіру саясатын, қадағалау бойынша үздік халықаралық практиканы, оның ішінде тәуекелге бағдарланған негізде енгізуді жалғастырады.
«Қазақстан Ұлттық Банкінің басшысы бұл бағыттағы маңызды шаралардың бірі кепілді кредиторлардың абсолютті басымдығы бойынша заңнамалық түзетулер болып табылатындығын атап өтті. Бұл кредиторлардың кәсіпорындар банкроттығына мүдделілігін арттыруға, нақты секторды қалыпқа келтіруге, экономикалық айналымға кепіл мүлкін тартуға мүмкіндік береді», - деп түсіндірді қаржылық реттеуші.
Д. Ақышев, сондай-ақ, Қазақстан Ұлттық Банкінің 7-20-25 бағдарламасының үлгісімен Қазақстан азаматтарының отандық автомобильдер сатып алуына кредит беру бағдарламасын жедел әзірлеуге дайын екендігін атап өтті.
«2019 жылы Қазақстан Ұлттық Банкі банк активтерінің сапасын жан-жақты бағалау бойынша дайындық жұмысын бастайды, қаржы реттеушісі бұл мәселелерді банктермен талқылай бастады», - деді Д.Ақышев.
Ұлттық банк хабарлағандай, банк экономикадағы көлеңкелі айналыммен күрес шеңберінде  қолма-қол ақшаны пайдалануды шектеу және қолма-қол ақшасыз айналымды кеңейту бойынша қажетті шараларды талқылауға дайын.


Жаңалықтармен бөлісу: