Қазақстанда демалыс күндері күн салқындайды

Күні: 14:04, 12-10-2018.

Астана. 12 қазан. ҚазТАГ – Қазақстанда демалыс күндері күн салқындайды, деп хабарлады «Қазгидромет» РМК баспасөз қызметінен.
«Демалыс күндері жауын-шашын болып, күшті жел соғады. Ауа температурасы республиканың оңтүстік, оңтүстік-шығыс және шығыс облыстарында төмендеп, таулы аймақтарда жаңбыр жауып, жел соғады және қар аралас жаңбыр жауады . Солтүстік облыстарда көктайғақ болуы мүмкін», - делінген 13-15 қазанға арналған ауа райы болжамында.
Синоптиктердің болжамынша, Қазақстанның барлық аумағында қазанның басында ауа температурасы климаттық нормадан 2...5°С жоғары болды.
«Бірақ оңтүстік-батыстан солтүстікке ауысатын тропосфералық ауа ағындары республикаға Қара теңізден жылы, ал Баранцева және Карск теңізінен суық және дымқыл ауа массаларын әкеледі», - деп түсіндірді «Қазгидрометте» алдағы күндердің салқындау себебін.  


Жаңалықтармен бөлісу: