Қазақстанда экстремистік «Ат-такфир уаль-хиджра» халықаралық ұйымының жұмысына тыйым салынды – бас прокуратура

Күні: 12:43, 15-10-2014.

Астана. 15 қазан. ҚазТАГ – «Ат-такфир уаль-хиджра» халықаралық ұйымы экстремистік деп танылды, және оның Қазақстан аумағындағы жұмысына тыйым салынды, деп хабарлады ҚР бас прокуратурасының баспасөз қызметінен.
«...2014 жылы 18 тамызда Астана қаласы прокурорының арызы бойынша Астана қаласының Сарыарқа аудандық сотының «Ат-такфир уаль-хиджра» халықаралық ұйымын экстремистік деп тану және оның қызметіне Қазақстан Республикасындағы тыйым салу жөніндегі шешімі шықты», - делінген бас прокуратураның сәрсенбі күні жарияланған хабарында.
Осы шешімді шығару кезінде аталған ұйымның экстремистік бағыттағы қызметі жөніндегі қолда бар материалдармен қатар сотпен «Ат-такфир уаль-хиджра» халықаралық ұйымының қызметіне Ресей Федерациясында, Қырғызстанда, АҚШ-та, Түрік Республикасында және Еуропалық одақта тыйым салынғандығы ескерілді.
Сот шешімі заңды күшіне енді, осыған орай «Ат-такфир уаль-хиджра» халықаралық ұйымының қызметіне қандай да бір қатыстылық(қызметіне қатысу, қаржыландыру, идеологиясын насихаттау және т.б.) заңмен белгіленген жауапкершілікке әкеліп соғады.


Жаңалықтармен бөлісу: