Астана. 30 наурыз. ҚазТАГ – Қазақстанда коронавирус жұқтырғандар саны 302-ге жетті, деп хабарлады ҚР денсаулық сақтау министрлігінің баспасөз қызметінен.
«Бүгінгі таңда елімізде коронавирусты жұқтырудың 302 жағдайы тіркелді, оның ішінде Нұр-Сұлтанда – 168, Алматыда – 73, Қарағанды облысында - 13, Атырау облысында - 12, Ақмола облысында - тоғыз, Жамбыл облысында - үш, Шымкентте - екі, Шығыс Қазақстан облысында - екі, Алматы облысында - сегіз, Ақтөбе облысында - екі, Солтүстік Қазақстан облысында - бір, Павлодар облысында - бір, Маңғыстау облысында - бір, Қызылорда облысында - бес, Батыс Қазақстан облысында – екі жағдай», - делінген дүйсенбідегі хабарда.
Естеріңізге сала кетейік, 2019 жылдың желтоқсан айының соңында Қытайда этиологиясы белгісіз пневмония ауруы тіркелді. Соңғы мәліметтерге сәйкес, COVID-19 коронавирусынан туындаған пневмониямен ауыратын науқастардың жалпы саны жүздеген мыңнан асса, қайтыс болғандар ондаған мыңнан астам.
2020 жылдың 30 қаңтарында Қазақстан Қытайға автобус қатынасын (29 қаңтардан бастап), жолаушылар пойыздарын (1 ақпаннан) және әуе қатынасын (3 ақпаннан) тоқтататындығы белгілі болды. 6 ақпанда «Қазпошта» Қытаймен пошталық байланысты тоқтатты. 1 наурыздан бастап Қазақстан Оңтүстік Корея және Иранмен әуе тасымалын қысқартты.
Сондай-ақ, коронавирус Венгриядағы қазақстандықтан да табылды.
15 наурызда Қазақстан президенті Тоқаев 16 наурыздан бастап Қазақстанда төтенше жағдай жариялау туралы өкім етті.
17 наурызда ҚР президенті жанындағы ТЖ режимін қамтамасыз ететін Мемкомиссия Нұр-Сұлтан мен Алматы қалаларында 19 наурыз сағат 00.00-ден бастап карантин режимін енгізді. Соған байланысты азаматтар мен көліктердің кіруіне және шығуына шектеу енгізілген. 28 наурыздан бастап Нұр-Сұлтан мен Алматыда және Шымкентте карантин шаралары күшейтілді.
Бұған дейін Қазақстанда коронавирусты жұқтырудың 294 жағдайы тіркеліп, 20-сы жазылып, бір адам көз жұмған еді.
Қазақстанда коронавирус жұқтырғандар саны 302-ге жетті
