Қазақстанда коронавирус жұқтырғандар саны 802-ге жетті

Күні: 10:53, 10-04-2020.

Астана. 10 сәуір. ҚазТАГ - Қазақстанда коронавирус жұқтырғандар саны 802-ге жетті, деп хабарлады мемкомиссияның жедел штабынан.
«Коронавирусты инфекцияны жұқтырудың тағы 21 жаңа дерегі тіркелді, оның ішінде Нұр-Сұлтанда – бір, Шымкентте – төрт, Батыс Қазақстан облысында – екі, Маңғыстау облысында – екі, Атырау облысында – үш, Қызылорда облысында – төрт, Ақмола облысында – бір, Қарағанды облысында – төрт. (…) Барлығы елімізде коронавирусты инфекцияны жұқтырудың 802 жағдайы тіркелді», - делінген 10 сәуір 09.00-де таратылған Қазақстандағы эпидемиологиялық жағдай туралы хабарда.
Естеріңізге сала кетейік, 2019 жылдың желтоқсан айының соңында Қытайда этиологиясы белгісіз пневмония ауруы тіркелді. Соңғы мәліметтерге сәйкес, COVID-19 коронавирусынан туындаған пневмониямен ауыратын науқастардың жалпы саны жүздеген мыңнан асса, қайтыс болғандар ондаған мыңнан астам.
2020 жылдың 30 қаңтарында Қазақстан Қытайға автобус қатынасын (29 қаңтардан бастап), жолаушылар пойыздарын (1 ақпаннан) және әуе қатынасын (3 ақпаннан) тоқтататындығы белгілі болды. 6 ақпанда «Қазпошта» Қытаймен пошталық байланысты тоқтатты. 1 наурыздан бастап Қазақстан Оңтүстік Корея және Иранмен әуе тасымалын қысқартты.
15 наурызда Қазақстан президенті Тоқаев 16 наурыздан бастап Қазақстанда төтенше жағдай жариялау туралы өкім етті.
17 наурызда ҚР президенті жанындағы ТЖ режимін қамтамасыз ететін мемкомиссия Нұр-Сұлтан мен Алматы қалаларында 19 наурыз сағат 00.00-ден бастап карантин режимін енгізді. Соған байланысты азаматтар мен көліктердің кіруіне және шығуына шектеу енгізілген. 28 наурызда Нұр-Сұлтан мен Алматы қалаларында карантин шаралары күшейтілді. 3 сәуірде мемкомиссия Нұр-Сұлтан мен Алматыдағы жұмыссыз режимді 6 сәуірден 13 сәуірге дейін ұзарту туралы шешім қабылдады. Бұдан басқа карантин режимі Шымкентте 4 сәуір сағат 21.00-ден бастап енгізілді. 6 сәуірде Тоқаев екі отандық ғылыми институттың ұжымын коронавирусты анықтауға арналған өзіміздің диагностикалық тест-жүйемізді ойлап табуларымен құттықтады
Бұған дейін Қазақстанда коронавирусты жұқтырудың 781 жағдайы тіркеліп, 60-ы жазылып, тоғыз адам көз жұмған еді.


Жаңалықтармен бөлісу: