Қазақстанда КВИ мен COVID-19 жұқтыру және қайтыс болу көрсеткіші төмендеді – Цой

Күні: 13:11, 20-04-2021.

Астана. 20 сәуір. ҚазТАГ – Қазақстанда коронавирусты инфекция мен COVID-19 жұқтыру және одан қайтыс болу дерегі төмендеді, деп хабарлады денсаулық сақтау министрі Алексей Цой.
«Соңғы аптада алдыңғы аптаға қарағанда адам өлімі 22%-дан 8%-ға төмендеді», - деді Цой сейсенбідегі үкімет отырысында.
Сонымен қатар, оның айтуынша, COVID-19 жұқтыру қарқыны да төмендеген.
«Ағымдағы жылдың наурыз айының аяғынан бастап эпидемиологиялық жағдайдың нашарлағаны байқалды, ол кезде бір аптада науқас саны алдыңғы аптамен салыстырғанда 46%-ға өсті. Алайда ағымдағы аптада алдыңғы аптамен салыстырғанда ауру жұқтыру көрсеткіші 46%-дан 6%-ға дейін төмендеген», - деді министр.


Жаңалықтармен бөлісу: