Астана. 1 сәуір. ҚазТАГ – Қазақстанда сәуір айында ауа райы қандай болатыны туралы «Қазгидромет» РМК баспасөз қызметінен хабарлады.
«Сәуір айында ауа райы жылы және жауын-шашынды күтіледі. Осы айдың ішінде барикалық құрылымдардың жиі ауысуымен және атмосфералық фронттардың өтуіне байланысты жауын-шашын, көбінесе жаңбыр, екпінді жел және температураның ауытқуы күтіледі», - делінген сәрсенбіде таратылған сәуірге арналған консультативті болжамда.
Болжамға сәйкес, бірінші онкүндіктің басында температураның негізгі фоны: ҚР солтүстік жартысында түнде -5+5°C, күндіз +7+18°С құрайды; оңтүстік жартысында түнде +5+13°C, күндіз +15+23°С, қиыр оңтүстікте +28°С.
«Онкүндіктің ортасында Ресейдің Еуропалық аумақтарынан антициклонның басып кіруіне байланысты ауа температурасының солтүстік жартысында түнде -3-8°С-қа дейін, күндіз +2+10°C-қа дейін, оңтүстік жартысында антициклонның ықпалы және ауа температурасының төмендеуі онкүндіктің соңында болжануда, түнде термометрлердің сынап бағаналары +3+8°C-қа дейін, күндіз +10+15°С-қа дейін, шеткі оңтүстігінде 22°С-қа дейін төмендейді», - делінген хабарда.
Синоптиктер атап өткендей, екінші онкүндіктің ортасында және үшінші онкүндіктің екінші жартысында екі суыту толқыны күтіледі және ауа температурасы келесідей төмендейді: солтүстік жартысында түнде -3 +7°С-қа, күндіз +2+13°С-қа дейін; оңтүстік жартысында түнде 0, +10°С-қа, күндіз + 12 +22°С-қа дейін.
«Екінші және үшінші онкүндікте жылы ауа массасын шығару арқылы күндізгі уақытта солтүстік өңірлерде +17+22°С-қа дейін, оңтүстік өңірлерде +25+30°С-қа дейін температуралық аяның жоғарылауы байқалатын болады», - деді «Қазгидрометтен».
Хабарда атап өтілгендей, сәуір айына арналған консультативтік болжам синоптикалық жағдайдың өзгеруіне қарай түзетілуі мүмкін және онкүндік болжамдармен нақтыланатын болады.
Қазақстанда сәуір айында ауа райы қандай болады
