Қазақстанда тағы екі бұрынғы жауапты хатшы министрлік аппаратының басшысы қызметіне тағайындалды

Күні: 13:07, 22-01-2021.

Астана. 22 қаңтар. ҚазТАГ – Қазақстанда тағы екі бұрынғы жауапты хатшы министрлік аппаратының басшысы қызметіне тағайындалды, деп хабарлады агенттік тілшісі.
«ҚР сауда және интеграция министрінің бұйрығымен Нөпіров Жәнібек Мақсұтұлы Қазақстан Республикасы Сауда және интеграция министрлігі аппаратының басшысы қызметіне тағайындалды», - деп хабарлады жұма күні үкіметтің баспасөз қызметінен.
Нөпіров 2019-2021 жж. — ҚР сауда және интеграция министрлігінің жауапты хатшысы, 2013-2019 жж. — ҚР Президент Әкімшілігі бөлімінің консультанты, сектор меңгерушісі, 2010-2013 жж. республикалық бюджеттің атқарылуын бақылау жөніндегі Есеп комитетінің құрылымында жұмыс істеді.
«ҚР еңбек және халықты әлеуметтік қорғау министрінің бұйрығымен Аида Дәденқызы Құрманғалиева Қазақстан Республикасының Еңбек және халықты әлеуметтік қорғау министрлігі аппаратының басшысы қызметіне тағайындалды», - деп хабарлады минкабинетінен.
Құрманғалиева 2017 жылдан 2021 жыл аралығында — ҚР Еңбек және халықты әлеуметтік қорғау министрлігінің жауапты хатшысы, 2014-2017 жылдары — ҚР Денсаулық сақтау және әлеуметтік даму министрлігінің жауапты хатшысы, 2013-2014 жылдары — ҚР Еңбек және халықты әлеуметтік қорғау министрлігінің жауапты хатшысы қызметтерінде болған.


Жаңалықтармен бөлісу: