Астана. 7 тамыз. ҚазТАГ — Қазақстандық балуан Демеу Жадраев Париж Олимпиадасында финалға шықты, деп хабарлады Ұлттық олимпиада комитетінің баспасөз қызметінен.
«Қазақстандық грек-рим спортының балуаны Демеу Жадраев (77 кг дейін) Олимпиада ойындары-2024 алтын медалі үшін бақ сынайтын болады», - делінген хабарда.
1/2 финалда қазақстандық Әзірбайжаннан келген Санан Сүлейменовпен кездесті.
Жадраев бірінші раундты керемет өткізді. Ол бірден алты балға ие болды, сөйтіп белдесуде басым түсті.
Хабарда атап өтілгендей, қорытындысында 6-1 есебімен Демеу финалға өтті. Ол енді ОО-2024 алтын медалі үшін күресетін болады.
Финал бүгін, 7 тамызда өтеді.
Қазақстандық балуан Демеу Жадраев Париж Олимпиадасында финалға шықты
