Қазақстандық ескекші Наталья Сергеева Токио Олимпиадасында ширек финалға шықты

Күні: 11:26, 04-08-2021.

Астана. 4 тамыз. ҚазТАГ – Қазақстандық ескекші Наталья Сергеева Токио Олимпиадасында ширек финалға шықты, деп хабарлады Қазақстанның Ұлттық олимпиада комитетінің баспасөз қызметінен.
«Токиода байдарка мен каноэде есуден жарыстар жалғасып жатыр. Әйелдер арасында байдаркада есуден 500 м қашықтық бойынша Қазақстан сапынан Наталья Сергеева қатысты. Іріктеу кезеңінің нәтижесі бойынша ол тиісті қашықтықты 2:01.374 уақытта бағындырып, жетінші орыннан көрінді. Мұндай көрсеткіш отандасымыздың ширек финалда сынға түсуіне мүмкіндік береді», - делінген сәрсенбідегі хабарда.
ҰОК нақтылағандай, ширек финал да сәрсенбі күні өтеді.


Жаңалықтармен бөлісу: