Астана. 10 маусым. ҚазТАГ – Қазақстандық гимнастшы Роза Абитова Шымкенттегі халықаралық турнирде жеңіске жетті, деп хабарлады ҚР Ұлттық олимпиада комитетінің баспасөз қызметінен.
«Шымкентте екі бірдей Олимпиада қатысушысы Әлия Юсупованың жүлдесі үшін ұйымдастырылған көркем гимнастикадан халықаралық турнир аяқталды. Бұл жарыста қазақстандық Роза Абитова жеңімпаз атанды», - делінген дүйсенбідегі хабарда.
ҰОК нақтылағандай, жарыс бірнеше жас аралығында өткен.
«Ал қатысушылардың жалпы саны 100-ден асты. Негізгі категорияда - «сеньорлар» - алты елден келген 17 гимнаст бақ сынады. Қазақстан, Өзбекстан, Әзірбайжан, Белоруссия, Қырғызстан, Украина өкілдері медальдар үшін өзара сынға түсті. Жарыс нәтижесінде 74,55 ұпай жинаған Роза Әбітова жеңіске жетті. Беларусиялық Анна Каменщикова 70,8 баллмен күміс медальді жеңіп алды. Өзбекстан атынан шыққан Наргиза Джуманиязова 63,6 ұпай иемденіп, тұғырдың үшінші сатысына көтерілді», - делінген хабарда.
Қазақстандық гимнастшы Роза Абитова Шымкенттегі халықаралық турнирде жеңіске жетті
