Қазақстандық заңнамада мұғалімдерді тексерулерден қорғау қарастырылады

Күні: 10:50, 09-10-2018.

Астана. 9 қазан. ҚазТАГ – Алтынай Күмісбек. ҚР педагогтардың мәртебесі туралы заң жобасында мұғалімдердің жүктемесін қысқарту және оларды тексерулерден қорғау қарастырылатын болады, деп хабарлады ҚР білім және ғылым министрі Ерлан Сағадиев.  
«Мемлекет басшысының тапсырмасы бойынша педагогтардың мәртбесі туралы заң әзірленетін болады. Заңда педагогтардың әлеуметтік мәртебесін көтеруге арналған ынталандыру шаралары, оқу жүктемесін қысқарту, керегі жоқ тексерістерден қорғау және тағы басқа шаралар қарастырылатын боалды», - деді Е.Сағадиев сейсенбі күні ҚР үкіметіндегі отырыста.  
Оның айтуынша, заңды 2019 жылы бекіту жоспарлануда. Ағымдағы жылы жоба әзірленіп, қоғамдық талқылаудан өтеді.  
Еске салсақ, ҚР президенті Нұрсұлтан Назарбаев 5 қазан күні Қазақстан халқына жолдауын таныстыру кезінде педагогтардың мәртебесі туралы заң әзірлеуді тапсырған болатын.  


Жаңалықтармен бөлісу: