Қазақстандық жеңіл атлет Михаил Литвин Италиядағы Универсиада-2019 жарысында «күміс» иеленді

Күні: 14:24, 11-07-2019.

Астана. 11 шілде. ҚазТАГ – Қазақстандық жеңіл атлет Михаил Литвин Италиядағы Универсиада-2019 жарысында «күміс» иеленді, деп хабарлады ҚР Ұлттық Олимпиада комитетінің баспасөз қызметінен.
«Михаил Литвин Неапольда өтіп жатқан жазғы Универсиада ойындарында күміс жүлдегер атанды. 400 метрге жарысқан желаяқтар арасынан Литвин мәреге екінші болып келді. Қазақстандық жеңіл атлет аталған қашықтықты 45.77 секундта жүгіріп өткен. Алтын медаль мексикалық Валенте Мендосаға (45.53) бұйырса, қоланы Оңтүстік Африка Республикасының өкілі Гардел Эдвард Исакс (45.89) иеленді», - делінген бейсенбідегі хабарда.
Жалпы жүлде қоры бойынша Қазақстан қазір 18-ші орында тұр.
Еске сала кетейік, қазақстандық спортшылар Универсиада ойындарында бір алтын, төрт күміс және бір қола медаль жеңіп алды. Дзюдошы Ғалымжан Қырықбай чемпион атанса, гимнастар Нариман Курбанов пен Милад Карими және стенд атушы Зоя Кравченко мен жеңіл атлет Михаил Литвин күміс еншіледі. Стенд атудан қола жүлдені Сәрсенкүл Рысбекова иеленген.


Жаңалықтармен бөлісу: