Қазақстанның басым облыстарында алдағы 3 күнде жаңбыр жауады, солтүстігінде қар жаууы мүмкін деп күтілуде

Күні: 12:50, 05-09-2018.

Астана. 5 қыркүйек. ҚазТАГ – Қазақстанның басым облыстарында алдағы 3 күнде жаңбыр жауады, солтүстігінде қар жаууы мүмкін деп күтілуде, деп хабарлады «Қазгидромет» РМК баспасөз қызметінен.  
«Синоптиктердің ақпараты бойынша, алдымен солтүстік, кейін орталық және шығыс облыстардың жекелеген жерлерінде жаңбыр қайта күтіледі. Солтүстікте 8 қыркүйек күні түнде жаңбырдың соңы қарға ұласады. Түнде және таңертең тұман түсіп, көру мүмкіндігі 500 метрден аз болады», - делінген 6-8 қыркүйекке арналған ауа райы болжамында.  
Батыс, оңтүстік және оңтүстік-шығыс облыстарда жауын-шашын болмайды.
«Қазақстанның барлық аумағында көпжылдық орташа көрсеткіштерге жақын болатыны күтіледі. Ал солтүстік және орталықта одан төмен болады», - деді синоптиктер.


Жаңалықтармен бөлісу: