Қазақстанның басым облыстарында алдағы үш күнде күн күрт жылиды

Күні: 11:13, 03-05-2019.

Астана. 3 мамыр. ҚазТАГ – Қазақстанның басым облыстарында алдағы үш күнде күн күрт жылиды, деп хабарлады «Қазгидромет» РМК баспасөз қызметінен.
«Қазақстанға жылжыған антициклон республиканың көптеген облыстарында жауын-шашын мен күннің сууын тоқтатты. Алдағы үш тәулікте солтүстік, орталық, шығыс және оңтүстік облыстарда антициклонның ықпалымен жауын-шашынсыз ауа райы және ауа температурасының жоғарылауы күтіледі, 6 мамырда күндізгі ауа температурасы кей жерлерде плюс 23-28°С, оңтүстік және орталықта плюс 27-32°С дейін жоғарылайды», - делінген жұмада таратылған 4-6 мамырға арналған ауа рйаы болжамында.
Хабарда атап өтілгендей, оңтүстік-шығыста алдағы үш тәулікте әлі де суық атмосфералық фронттың ықпалы сақталады, сондықтан кей жерлерде найзағаймен жаңбыр жауады, жел күшейеді. Жауын-шашынның тоқтауымен мұнда ауа көктемгідей тез жылынады. Ал батыс облыстарында Ресейдің Еуропалық бөлігінің орталық аймағынан атмосфералық фронттардың жылжуымен найзағаймен жаңбыр және найғазай кезінде желдің дауылды күшеюі күтіледі.


Жаңалықтармен бөлісу: