Қазақстанның білім және ғылым вице-министрі тағайындалды

Күні: 11:44, 12-04-2019.

Астана. 12 сәуір. ҚазТАГ – Қазақстанның білім және ғылым вице-министрі болып Фатима Жақыпова тағайындалды, деп хабарлады премьер-министрдің сайтынан.
«Үкімет Қаулысымен Жақыпова Фатима Надырқызы Қазақстан Республикасының білім және ғылым вице-министрі қызметіне тағайындалды», - делінген бейсенбідегі хабарда.
Жакыпова 2016 жылдан бері Қазақстан Республикасы Президенті жанындағы Мемлекеттік басқару академиясының ректоры қызметін атқарды, 2014 жылдан 2016 жыл аралығында Назарбаев Университетінің Мемлекеттік саясат Жоғарғы мектебінің атқарушы директоры болды. 2008 жылдан 2011 жыл аралығында І. Жансүгіров атындағы Жетісу мемлекеттік университетінің проректоры болды. Әр жылдары білім және ғылым миинистрлігінде департамент директорының орынбасары, директоры лауазымдарын атқарды.


Жаңалықтармен бөлісу: