Қазақстанның оңтүстігінде және оңтүстік-батысында алдағы үш тәулікте ыссы және құрғақ ауа райы күтіледі

Күні: 15:02, 03-06-2020.

Астана. 3 маусым. ҚазТАГ – Қазақстанның оңтүстігінде және оңтүстік-батысында 4-6 маусымда ыссы және құрғақ ауа райы күтіледі, деп хабарлады «Қазгидромет» РМК баспасөз қызметінен.
«Оңтүстік және оңтүстік-батыста Иран аудандарынан жылы ауа массаларымен ыстық және құрғақ ауа райы сақталады. Кей жерлерде жел күшейіп, оңтүстікте шаңды дауыл болады», - делінген сәрсенбіде таратылған хабарда.
Болжамға сәйкес, Скандинавия аудандарынан Антициклон республиканың солтүстік, орталық және шығыс өңірлерінің ауа райына әсерін сақтайды, бұл температураның төмендеуіне әкеледі.
«Кей жерлерде атмосфералық фронтальды бөліктердің өтуіне байланысты, найзағай ойнап, жаңбыр жауады және бұршақ түседі деп күтіледі», - делінген хабарда.


Жаңалықтармен бөлісу: