Қазақстанның солтүстік бөлігінде бейсенбі күні жаңбырдың арты қарға ұласып, күн салқындауы мүмкін

Күні: 12:46, 10-10-2018.

Астана. 10 қазан. ҚазТАГ – Қазақстанның солтүстік бөлігінде бейсенбі күні жаңбырдың арты қарға ұласып, күн салқындауы мүмкін, деп хабарлады «Қазгидромет» РМК баспасөз қызметінен.  
«Алдағы үш күнде Қазақстанның солтүстік аймақтарында ауа райы жауын-шашынның соңы қарға ұласып, күн суытуы мүмкін. 11 қазан күні күндізгі ауа температурасы 13...20°С аралығында болса, 13 қазанда 0...плюс 8°С, ал түнде 0...минус 5°С аралығында болады», - делінген сәрсенібде таратылған 11-13 қазанға арналған ауа райы болжамында.
Синоптиктердің айтуынша, мұндай ауа райы республика аумағына Ресейдің еуропалық бөлігінің солтүстік аудандарынан келе жатқан арктикалық суық ауа ағындарына байланысты.
Қазақстанның оңтүстігінде, оңтүстік-шығысында және шығысында суық ауа ағындарының әсері 12 және 13 қазан күндері байқалады. Аталған өңірлерде әзірше жаңбыр жауады, дегенмен тауларда жаңбырдың арты қарға ұласуы ықтимал.


Жаңалықтармен бөлісу: