Қазақтың классикалық музыкасының «Азия дауысы» атты концерті Карнеги-Холда аншлагпен өтті

Алматы. 29 қазан. ҚазТАГ - Қазақтың классикалық музыкасының «Азия дауысы» атты концерті Нью-Йорктегі Карнеги-Холда аншлагпен өтті, деп хабарлады «Астана-опера» театрының баспасөз қызметінен.  
«Астана-опера» театрының әлемдік турнесі Нью-Йорктен (АҚШ) басталды, 27 қазанда Америка көрерменіне «Азия дауысы» концертін ұсынды», - делінген сәрсенбіде таратылған хабарда.  
Концерттік бағдарламада А. Жұбанов, Л.Хамиди, Е.Рахмадиев, Т. Мухамеджанов секілді  заманауи композиторлар жазған қазақ халқының әндері мен өлеңдері, сондай-ақ    Дж. Верди, Д. Россини, Ж. Оффенбаха, А. Бородина, Л. Бернстайн  шедеврлерінен шығармалар орындалды.  
«Карнеги-Холл «Астана-Операны» аншлагпен қарсы алды, концертке консерватория қызметкерлері, дипломаттар, қоғамдық қайраткерлер, музыка сыншылары, Метрополитен-опера агенттері қызығушылық танытты. Әйгілі қонақтар арасында Лос-Анджелестен арнайы келген  американдық актер әрі продюссер Эдриан Броуди де болды. Ол сахнаға шығып әртістерді құттықтап, Қазақстан туралы жылы сөздерін айтты», - делінген хабарда.  
Музыка сыншыларының бағалауынша, «Астана-Опера» аспаптық, вокалдық, хор музыкаларын жақсы орындаған, әсіресе опера солисті Альфия Каримованың орындауындағы Л.Бернстайнның Кунигун Ариясы таң қалдырған.  
Концертке сондай-ақ халықаралық конкурстар лауреаты, скрипкашы Ержан Құлыбаев, вокалшы Сүндет Байғожин, Жұпар Ғабдуллина, Медет Шотабаев, сондай-ақ әлемдік үздік бас орындаушыларының бірі  Ильдар Абдразаков қатысты. Ол қазақстандық опера орындаушыларының шеберлігін жоғары бағалады.