БҒМ басшысы ҚР білім беру ұйымдарында балалардың құқықтарының бұзылуы өзекті мәселе деп атады

Күні: 19:05, 29-08-2018.

Астана. 29 тамыз. ҚазТАГ – Оксана Скибан. ҚР білім беру ұйымдарында балалардың құқықтарының бұзылуы күн тәртібінде өзекті болып отыр, деп мәлімдеді ҚР білім және ғылым министрі Ерлан Сағадиев.
«ҚР білім беру ұйымдарында балалардың құқықтарының бұзылуы күн тәртібінде өзекті болып отыр. Мен онымен келісемін. Біз талдамалы, консултациялық және қазір нормативтік жұмыстарды жүргіземіз», - деді  Е. Сағадиев сәрсенбідегі брифингте.  
Оның айтуынша, мәселені шешу және оны бақылау үшін елдегі барлық мектеп пен барлық балабақшаны бейнебақылаумен толық жабдықтауға қол жеткізу керек.  
«Бүгінгі таңда бізге (мектепке дейінгі және орта білім беру мекемелерін бейнебақылаумен жабдықтауды – ҚазТАГ) 63% жеткізу керек – бұл маңызды жұмыс. Білім саласы қызметкерлерінің біліктілігін арттыру, техникалық жабдықтау», - деді министр.
Сондай-ақ, ол бірінші кезекте жұмысшылардың, психологтар мен әлеуметтік педагогтардың сапасын көтеру керектігіне тоқталды.  
«Біз бірінші кезекте жеделдетілген тәртіпте барлық мектептегі әлеуметтік қызметкерлер мен психологтардың біліктілігін арттыру курстарын бекітуді және осы топқа тәрбиешілерді де қосуды жоспарлап отырмыз. Біз біздің барлық психологтарымыз, әлеуметтік қызметкерлер және болашақ тәрбиешілер ұлттық біліктілік тестінен өтуі керек деп санаймыз», - деді   Е. Сағадиев.


Жаңалықтармен бөлісу: