Өскемен. 18 шілде. ҚазТАГ – Бұқтырма су қоймасында кемедегі 24 адам суға батып кете жаздады, деп хабарлады төтенше жағдайлар департаментінің баспасөз қызметінен.
«17 шілдеде сағат 19:00 шамасында Ұлан ауданындағы Бұқтырма су қоймасының бойындағы «Аюда» демалыс базасынан үш шақырым жерде екпіні 20 м/с жеткен қатты желдің салдарынан жолаушылар тасымалдайтын кеме суға бата бастаған. Кеме «Садко» демалыс базасынан «Аюда» базасына қарай жүріп келе жатқан. «Бортта 24 адам (21 жолаушы және 3 экипаж мүшесі) болған»,- делінген хабарда.
Ақпарға сәйкес, құтқарушы плот ұйымдастырылған, сөйтіп 21 жолаушы, оның ішінде 9 бала аман-есен «Аюда» базасына жеткізілген.
Азаматтардың жағдайы қанағаттанарлық, медициналық көмек қажет болмаған.
ТЖД нақтылағандай, батып бара жатқан кемедегі адамдарды құтқаруға бірінші болып сол маңда жүрген төрт ер адам келген.
Бұқтырма су қоймасында кемедегі 24 адам суға батып кете жаздады
