Бақытжан Сағынтаев Алматы әкімі қызметіндегі Бауыржан Байбекті алмастырды

Күні: 17:48, 28-06-2019.

Астана. 28 маусым. ҚазТАГ – Бақытжан Сағынтаев Алматы әкімі қызметіндегі Бауыржан Байбекті алмастырды, деп хабарлады мемлекет басшысының баспасөз қызметінен.
«Бақытжан Әбдірұлы Сағынтаев Алматы қаласының әкімі болып тағайындалсын», - делінген жұма күнгі президент Қасым-Жомарт Тоқаевтың жарлығында.
Мемлекет басшысы басқа жарлығымен Байбекті қызметінен босатты.
«Мемлекет басшысының Жарлығымен Бауыржан Қыдырғалиұлы Байбек басқа жұмысқа ауысуына байланысты Алматы қаласының әкімі қызметінен босатылды», - деп хабарлады Ақордадан.
Сағынтаев 2019 жылдың наурызынан бастап президент әкімшілігінің басшысы, сол наурыз айында екі аптадан аз уақыт Қазақстанның мемлекеттік хатшысы қызметін атқарған. Одан бұрын 2016 жылдың қыркүйегі мен 2019 жылдың ақпаны аралығында премьер-министр қызметінде болған.
Байбек 2015 жылдан бері Алматы әкімі болып келді. Оған дейін 2013-2015 жылдар аралығында Nur Otan партиясының бірінші орынбасары, 2009-2013 жылдар аралығында президент әкімшілігі басшысының орынбасары болған.
Еске салсақ, бұған дейін аталмыш кадрлық ауыс-түйіс болатыны туралы ақпаратқа қанық дерек көзіне сілтеме жасай отырып, ҚазТАГ ХАА хабарлаған еді.


Жаңалықтармен бөлісу: