Алматы. 5 қараша. ҚазТАГ – Журналист Амангелді Батырбековке қатысты сотты жәбірленушінің адвокатының науқастанып қалуына байланысты кейінге шегерді, деп хабарлады дүйсенбі күні «Әділ сөз» халықаралық сөз бостандығын қорғау қорынан.
«Журналист Амангелді Батырбековтың ісі бойынша Түркістан облыстық соты апелляциялық коллегиясының бірінші отырысы 5 қараша сағат 15.00-ге тағайындалған еді. Алайда 4 қарашада Амангелдінің қорғаушысына телефон арқылы хабарласып, отырыстың 12 қарашаға ауыстырылғанын жеткізді. Ресми себебі: жәбірленушінің адвокатының ауырып қалуы», - делінген дүйсенбідегі хабарда.
Еске салсақ, «2019 жылғы 23 қыркүйекте Түркістан облысы Сарыағаш аудандық соты азаматтық белсенді, «Сарыағаш инфо» газетінің редакторы Амангелді Батырбековті жала жапқаны және қорлағаны үшін кінәлі деп танып, 2 жыл 3 айға бас бостандығынан айырды. Бұған Келес ауданының білім бөлімінің бастығы Бахтияр Абдиевтің шағымы негіз болды, ол туралы Батырбеков өзінің Facebook парақшасында бірқатар сыни жазбаларды жариялаған.
27 қыркүйекте «Әділ сөз» қоры Түркістан облысындағы Батырбековке қатысты айыптау үкіміне түсінік бере келе, Қазақстанның тағы да БҰҰ-ның жала үшін қылмыстық жауаптан босату туралы ұсынысына кезекті рет назар аудармағанын хабарлады.
14 қазанда Халықаралық «Әділ сөз» сөз бостандығын қорғау қоры журналист Амангелді Батырбековты өз пікірін білдіргені үшін бас бостандығынан айыру Қазақстанның Азаматтық және саяси құқықтар туралы халықаралық пактіні ратификациялауынан туындайтын елдің міндеттемелерін өрескел бұзатыны туралы жаңа мәлімдеме жасадыі.
22 қазанда Сөз бостандығын қорғау және көтермелеу саласындағы әлемдік жетекші үкіметтік емес ұйымдардың бірі «Шекарасыз тілшілер» (RSF) Қазақстан билігін журналист Амангелді Батырбековты босатуға және қазақстандық БАҚ-тың ізіне түсуді тоқтатуға шақырды.
«Бұл қатаң үкім көптеген процессуалдық бұзушылықтарға жол берілген сот тергеуі аяқталғаннан кейін шығарылды. Біз Қазақстанның сот билігін апелляциялық өтіншіті басқа өңірде қарауды және халықаралық сөз бостандығы стандартына сәйкес шешім қабылдауды сұраймыз. Және, ақырында, қазақстандық билік егер олардың реформа туралы сөздері шынымен қабылдансын десе, баспасөз жұмысымен байланысты қылмыстар үшін қылмыстық жауапкершілік алынып тасталсын», - деп қадап айтқан Шығыс Еуропа және Орталық Азия бойынша RSF бөлімшесінің басшысы Иоганн Бир.
Қазақстанның журналистердің ізіне түскендігінің кезекті мысалы 7 қарашаға жоспарланған адам құқықтары жөніндегі БҰҰ кеңесіндегі Қазақстанның келесі жан-жақты мерзімдік шолуына бірнеше апта қалғанда пайда болған.
«Қазақстан үкіметінің басқаша ойлайтындарға деген осындай қарым-қатынасы көзден таса қалмайтынын және тиімді болып табылмайтынын есте сақтағаны өте маңызды. Батырбековты сотпен қудалау тоқтатылуы және жала жапқаны үшін қылмыстық жауапкершіліктің алынып тасталуы керек», - деп атап өтті IFEX.
Қазақстан 2019 жылғы RSF әлемдік баспасөз бостандығы индексінде 180 елдің ішінде 158-орында тұр.
Батырбековке қатысты сотты жәбірленушінің адвокатының науқастанып қалуына байланысты кейінге шегерді - «Әділ сөз»
