Бейсенбі күні Қазақстанның басым өңірінде жауын күтіледі

   Астана. 29 мамыр. ҚазТАГ- Бейсенбі күні Қазақстанның басым өңірінде жауын күтіледі, деп хабарлайды «Казгидромет» РМК баспасөз қызметі.
   «Фронтальды бөліктер Қазақстанның басым бөлігінде ауа райының тұрақсыз сипатын қалыптастырады, атап айтқанда, найзағай ойнап, бұршақ түседі, қатты жел соғып, жаңбыр жауады, оңтүстік-шығыстың таулы аймақтарында жаңбыр мен қар түрінде жауын-шашын, солтүстік өңірде нөсер жаңбыр жауады деп күтіледі. Еліміздің батыс және оңтүстік аймақтары антициклонның ықпалында болғандықтан мұнда жауын-шашынсыз ауа райы сақталады. Республикамыздың оңтүстік-батысында жел соғады, солтүстік, солтүстік-батыс өңірлерде түнгі және таңертеңгі уақытта тұман болады деп күтіледі»,- делінген хабарламада.
Түнде Шығыс Қазақстан облысының шығысында, Солтүстік Қазақстан облысының солтүстік-шығысында сынап бағаны 1-3 грасу суықты көрсетіп, үсік жүреді деп болжанады.
«Атырау облсының оңтүстігінде, солтүстігінде, Батыс Қазақстан облысының батысында, солтүстігінде, орталығында, Жетісу облысының шығысында, Түркістан облысының орталығында, солтүстік-шығысында, Жамбыл облысының батысында, шығысында, Қостанай өңірінің оңтүстігінде, Ақтөбе облысының батысында өрт қаупі сақталады. Шығыс Қазақстан облысының оңтүстігінде, Қызылорда облысының орталығында жоғары өрт қаупі күтіледі. Түркістан облысының шөлейтті аудандарында, Батыс Қазақстан облысының батысында (Жәнібек ауданының батыс бөлігінде), Атырау облысының батысында, Қызылорда облысының шығысында төтенше өрт қаупі болуы ықтимал деп болжанады", - дейді синоптиктер.
Астанада күн құбылмалы, кейде жаңбыр жауады. Ауа температурасы түнде +8+10, күндіз +15+17.
Алматыда күн құбылмалы, жауын-шашынсыз. Ауа температурасы +10+12, күндіз +21+23.
Шымкентте жауын-шашынсыз. Желдің екпіні секундына 3-8 метр. Ауа температурасы түнде +11+13, күндіз + 27 + 29.
Ақмола облысында күндіз жаңбыр жауады. Күндіз +14+16, түнде +7+12.

Фото көзі: pixabay


adimage