Бейсенбі күні Қазақстанның батысы мен солтүстік-батысында жаңбыр жауып, найзағай ойнайды деп күтілуде

Күні: 09:23, 27-09-2018.

Астана. 27 қыркүйек. ҚазТАГ - Бейсенбі күні Қазақстанның батысы мен солтүстік-батысында жаңбыр жауып, найзағай ойнайды деп күтілуде, деп хабарлады «Қазгидромет» РМК баспасөз қызметінен.
«Атмосфералық  фронталдық бөліктер бұрынғысынша республиканың батысына, солтүстік-батысына өз ықпалын тигізіп отыратын болады, бұл аймақтарда кей жерлерде жаңбыр жауып, найзағай ойнайды. Қазақстанның қалған аумағында жауын-шашынсыз ауа райы сақталады. Кей жерлерде жел күшейеді, оңтүстігінде түнде шаңды дауыл соғады. Республика бойынша түнде және ертеңгісін кей жерлерде тұман күтіледі», - делінген синоптиктердің хабарында.
Астанада құбылмалы бұлтты, жауын-шашынсыз, оңтүстік-шығыстан 2-7  м/с жел тұрады, +21+23. Сондай-ақ ауа ластануының жағымсыз метеорологиялық жағдайы күтіледі.
Алматыда құбылмалы бұлтты, жауын-шашынсыз, 0-5 м/с жел тұрады, +21+23.
Алматы облысында жауын-шашынсыз, Жалаңашкөл ауданында түнде 17-22 м/с жел тұрады, +21+26.
Қызылорда облысында түнде жауын-шашынсыз, кей жерлерде 15-20 м/с жел тұрады,  шаңды дауыл соғады, +25+30.
Маңғыстау облысында өткінші жаңбыр жауады, найзағай ойнайды, кей жерлерде тұман күтіледі, 15-20 м/с жел тұрады, +17+22.    
Ақтөбе облысында кей жерлерде – жаңбыр, күн күркірейді, күндіз кей жерлерде 18 м/с, +17+22.
Қостанай облысында кей жерлерде  жаңбыр, 15-20 м/с жел, ертеңгісін және күндіз – күн күркірейді, +22+27.
Солтүстік Қазақстан облысында түнде және ертеңгсін кей жерлерде тұман, ауа райы жауын-шашынсыз, күндіз кей жерлерде 15-20 м/с жел тұрады, +20+25.
Жамбыл, Түркістанда, түнде Атырауда, күндіз Батыс Қазақстан облыстарында кей жерлерде 15-20 м/с жел тұрады, +23+28, +25+30, +14+19, +12+17. Жамбыл және Түркістан облыстарының таулы және тау маңы аймақтарында өткінші жаңбыр жауып, күн күркірейді. Атырау облысында жаңбыр жауады, БҚО-да түнде жауын-шашынды.
Түнде және ертеңгісін Павлодар, Шығыс Қазақстан облыстарында жауын-шашынсыз, кей жерлерде тұман күтіледі, сәйкесінше екі өңірде +18+23.
Шығыс Қазақстан облысында түнде кей жерлерде 3 градусқа дейін үсік күтіледі.
Ақмола және Қарағанды өңірлерінде жауын-шашынсыз ауа райы күтіледі,  +20+25, +19+24.
Түркістанда, Маңғыстаудың басым бөлігінде, Жамбыл, Қызылорда, Атырау, Батыс Қазақстан облыстарының кей жерлерінде төтенше өрт қауіптілігі сақталады.  
Алдағы тәулікте ел аумағының тау маңы өзендерінде су деңгейі аздап құбылады.  


Жаңалықтармен бөлісу: