Бейсенбі күні Қазақстанның тоғыз өңірінде дауылды ескерту жарияланды

Күні: 19:12, 10-08-2022.

Астана. 10 тамыз. ҚазТАГ – Бейсенбі күні Қазақстанның тоғыз өңірінде дауылды ескерту жарияланды, деп хабарлады «Қазгидромет" РМК баспасөз қызметінен.
«11 тамызда Солтүстік Қазақстан облысының оңтүстігінде, шығысында найзағай, бұршақ күтіледі. Түнде және таңертең облыстың батысында тұман күтіледі. Солтүстіктен жел соғады, күндіз облыстың оңтүстігінде, шығысында екпіні 15-20 м/с», - делінген хабарда.
Түркістан облысында 11 тамызда ертеңгісін және күндіз таулы аудандарында күн күркірейді. Солтүстік-шығыстан жел тұрады, ертеңгісін және күндіз тауларында 15-20 м/с жел тұрады. Облыстың оңтүстігінде, шығысында төтенше өрт қаупі сақталады.
Күндіз 11 тамызда Батыс Қазақстан облысында 37 градус қатты ыстық күтіледі. Орал қ.: күндіз 36 градус қатты ыстық күтіледі.
«11 тамызда Қарағанды облысының солтүстік бөлігінде кей уақытта қатты жаңбыр, найзағай күтіледі. Түнде облыстың солтүстігінде тұман. Солтүстік-шығыс, шығыс желі, найзағай кезінде екпіні 15-20 м/с», - деп ескертті синоптиктер.
11-12 тамызда Атырау облысында күндіз 39 градус қатты ыстық сақталады. Облыстың солтүстігінде төтенше өрт қаупі күтіледі. Атырау қ: 11-12 тамызда күндіз 38 градус қатты ыстық сақталады.
10 тамызда Жетісу облысының шығысында және таулы аудандарында найзағай күтіледі. Батыстан жел соғады, күші 15-20, екпіні 25 м/с.
11 тамызда Қызылорда облысының басым бөлігінде төтенше өрт қаупі сақталады. Қызылорда қ.: 11 тамызда төтенше өрт қаупі сақталады.
11 тамызда күндіз Абай облысының солтүстігінде қатты жаңбыр күтіледі. Облыстың басым бөлігінде найзағай, облыстың батысында, оңтүстігінде бұршақ күтіледі. Жел солтүстік-батыстан, күндіз облыстың батысында, оңтүстігінде 15-20 м/с. Семей қ.: 11 тамызда найзағай күтіледі.
Ақтөбе облысында 11 тамызда күндіз батысында +36 аптап ыстық күтіледі.


Жаңалықтармен бөлісу: