Алматы. 15 тамыз. ҚазТАГ - Қазақстан қор биржасында (KASE) бейсенбі күнгі сауда-саттық қорытындысы бойынша KASE индексінің мәні 1,61% -ға 2202,22 -ден 2166,78-ге дейін түсті.
Индекстің өкілетті тізіміне енгізілген акциялармен жасалған мәмілелер көлемі алдыңғы сауда-саттық күнімен салыстырғанда 8,2% түсіп, Т4023,4 млн. немесе $10 418,9 мыңды құрады.
Биржа ақпаратына сәйкес, сауда барысында «Банк ЦентрКредит» АҚ (+3,9%) және «ҚазТрансОйл» АҚ (+0,1%) акцияларының бағасы өскен.
Ал KAZ Minerals PLC (-9,6%), «Қазақстан Халық банкі» АҚ (-0,6%), «Кселл» АҚ (-1,1%), «KEGOC» АҚ (-0,3%) және «Қазақтелеком» АҚ (-2,3%) акцияларының бағасы түсті.
Бейсенбі күні KASE индексі 1,61%-ға 2166,78–ге түсті
