Билік басында бірқатар кадрлық тағайындаулар болды

Астана. 22 қазан. ҚазТАГ – Мемлекет басшысының жарлықтарымен бірқатар кадрлық тағайындаулар болды, деп хабарлады президент баспасөз қызметінен.
Атап айтқанда:
«Мемлекет Басшысының Жарлығымен Қазақстан Республикасы Президенті Әкімшілігінің Басшысы Нұрлан Зайроллаұлы Нығматулинге Қазақстан Республикасының Мемлекеттік хатшысы міндетін уақытша атқару жүктелді», - делінген Ақорданың ресми сайтында сәрсенбі күні жарияланған хабарда.
Сонымен қатар:
*  *  *
Мемлекет басшысының Жарлығымен Серік Нығметұлы Ахметов басқа жұмысқа ауысуына байланысты Қазақстан Республикасының Қорғаныс министрі қызметінен босатылды.
*  *  *
Мемлекет Басшысының Өкімімен Әділбек Рыскелдіұлы Жақсыбеков Қазақстан Республикасы Қауіпсіздік Кеңесінің хатшысы міндетін уақытша атқарудан босатылды.
*  *  *
Мемлекет Басшысының Өкімімен Қазақстан Республикасы Қауіпсіздік Кеңесі хатшысының орынбасары – Қазақстан Республикасы Қауіпсіздік Кеңесі хатшылығының меңгерушісі Азамат Құрманбекұлы Әбдімомынов Қазақстан Республикасы Президентінің көмекшісі – Қауіпсіздік Кеңесінің хатшысының міндетін уақытша атқарушы  болып тағайындалды, деп көрсетілген сәрсенбі күні Ақорданың ресми сайтында жарияланған хабарда.