Бозымбаев «Самұрық-Қазына» қорының директорлар кеңесіне кірді – дерек көзі

Күні: 09:55, 15-01-2020.

Астана. 15 қаңтар. ҚазТАГ – Қазақстан президентінің көмекшісі Қанат Бозымбаев «Самұрық-Қазына» ұлттық әл-ауқат қорының» директорлар кеңесінің құрамына кірді, деп хабарлады сейсенбі күні Нұр-Сұлтанда ақпаратқа қанық дерек көзіне сілтеме жасаған агенттік тілшісі.
«Бұрынғы энергетика министрі Бозымбаев «Самұрық-Қазына» қоры директорлар кеңесінің мүшесі болды», - деп хабарлады сейсенбіде агенттік тілшісіне дерек көзі.
Агенттік тілшісінің сұхбаттасы Бозымбаевтың алдағы уақытта қорды басқаруы да мүмкін екендігін жоққа шығармады.
Басқа дерек көзінің ақпарынша, премьер-министр Асқар Мамин директорлар кеңесінің құрамынан шығарылды.
Бозымбаев президент көмекшісі қызметін 2019 жылдың желтоқсанынан бастап атқарып келеді. Оған дейін ол 2016 жылдың наурызынан бері энергетика министрі, оның алдында 2013 жылдың желтоқсанынан 2016 жылдың наурызына дейін Павлодар облысын басқарған.
Премьер Мамин «Самұрық-Қазына» қорының директорлар кеңесінің төрағасы болып 2019 жылдың наурызынан бастап қызмет атқарған, кеңесті ол министрлер кабинетінің басшысы қызметіне тағайындалғаннан кейін басқарған.


Жаңалықтармен бөлісу: