Астана. 29 маусым. ҚазТАГ-Алена Субботина. Қазақстанның экология, геология және табиғи ресурстар министрі Серікқали Брекешев киіктердің санын 80 мыңға қысқарту жоспарын растады, деп хабарлайды агенттік тілшісі.
«Биологиялық негіздеме аяқталды. Ғалымдар киік санын реттеудің қажеттілігі бар дегенді айтып отыр. Бұл Жайық популяциясына қатысты болады. Қазір бұл популяцияның саны 800 мың бастан асады десек, соның 10 пайызы, яғни 80 мың бас киік реттеуге жатады» - деп хабарлады Брекешев сәрсенбіде мәжіліс кулуарында.
Оның айтуынша, "киіктерді реттеу жануарлардың осы түрінің популяциясын қолдауға және көбейтуге бағытталған".
Бұған дейін ҚазТАГ хабарлағандай, қазіргі уақытта билік 20 – дан астам киікті аулауға рұқсат берген, тек ғылыми мақсатта ғана. ЭГТРМ тиісті бұйрығына қол қойылды.
Естеріңізге сала кетейік, 8 маусымда ҚазТАГ Қазақстан билігі киіктерді атуға рұқсат беруді жоспарлап отырғанын хабарлаған болатын. Сол күні экология, геология және табиғи ресурстар министрі Серікқали Брекешев: "егер ғалымдарымыз киіктердің санын реттеу қажет деп айтса, біз мұны істейтін боламыз", - деп мәлімдеді. 15 маусымда ЭГТРМ басшысы киіктерді ату арқылы Қазақстанның батысында жайылымдардың жетіспеушілігі мәселесін шешу жоспарланғанын айтты. 27 маусымда Батыс Қазақстан облысында 80 мың киіктің басын жою мүмкіндігі белгілі болды.
Брекешев киіктердің санын 80 мың басқа қысқарту жоспарын растады
