Демалыс күндері Қазақстанның батысында жауын-шашынсыз ауа райы күтіледі

Күні: 12:52, 03-07-2020.

Астана. 3 шілде. ҚазТАГ – 4-6 шілдеде Қазақстанның батысында жауын-шашынсыз ауа райы күтіледі, деп хабарлады «Қазгидромет» РМК баспасөз қызметінен.
«Тек Қазақстанның батысында Иран аудандарынан келетін құрғақ ауа массаларының ықпалымен жауын-шашынсыз ауа райы күтіледі, сондай-ақ ауа температурасының түнде 17-25 дейін, күндіз 32-40 жылыға дейін жоғарылауы күтіледі», - делінген жұмада таратылған хабарда.
Болжамға сәйкес, Қазақстан аумағының басым бөлігінде тұрақсыз ауа райы сақталады.
«Жаңбыр, кей жерлерде найзағаймен қатты жаңбыр жауады, жел күшейеді, бұршақ түсуі ықтимал. Еліміздің солтүстігі мен орталығында ауаның температурасы түнде біртіндеп 5-10 дейін, кей жерлерде 13 жылыға дейін төмендейді», - делінген хабарда.


Жаңалықтармен бөлісу: