Демалыс күніне арналған ауа райы: Қазақстанда қар жауады, бұрқасын және жаңбыр жауады деп күтілуде

Күні: 15:10, 18-01-2019.

Астана. 18 қаңтар. ҚазТАГ – Синоптиктер 19-21 қаңтарда Қазақстанның солтүстік бөлігінде бұрқасын және қар жауады, оңтүстігінде жаңбыр жауып, арты қарға ұласады, деп хабарлады «Қазгидромет» РМК баспасөз қызметінен.
«Орталық Азия аймағынан Қазақстанға оңтүстік циклоны жылжиды, ол жылу алып келеді. Сондықтан алдағы демалыс күндері еліміздің солтүстік бөлігінде қар жауып, бұрқасын соғады, батыстан қатты жел соғады. Ал оңтүстік және батыс өңірлерде жауын-шашын болады, жаңбырдың аяғы қарға ұласады, таулы аймақтарда қалың қар түседі, тұман және көктайғақ күтіледі», - делінген жұмадағы хабарда.
Ақпарға сәйкес, дүйсенбіде суық ағындардың өтуіне байланысты ауа температурасы төмендейді, бірақ ол әлі де климаттық нормадан жоғары болмақ.


Жаңалықтармен бөлісу: