ЕҚЫҰ бас хатшысы Назарбаевтың өңірлік қақтығыстарды реттеудегі үлесін атап өтті

Күні: 17:29, 10-10-2018.

Астана. 10 қазан. ҚазТАГ – Қазақстан Республикасының президенті Нұрсұлтан Назарбаев Еуропадағы қауіпсіздік және ынтымақтастық ұйымының Бас хатшысы Томас Гремингермен кездесті, деп хабарлады мемлекет басшысының баспасөз қызметінен.  
«Мемлекет басшысы әлемдік және дәстүрлі діндер көшбасшыларының Астанадағы жүздесуінің ерекше маңызын атап өтіп, съезд жұмысына қатысқаны үшін Еуропадағы қауіпсіздік және ынтымақтастық ұйымының Бас хатшысына ризашылық білдірді», - делінген сәрсенбіде Ақорда сайтында жарияланған хабарда.  
«2010 жылы Қазақстанның Еуропадағы қауіпсіздік және ынтымақтастық ұйымына төрағалық еткенін білесіз. Біз бұл ұйымның осы ғасырдағы жалғыз саммитін өткіздік. Оның нәтижесі бойынша маңызды декларация қабылданды», – деді Қазақстан Президенті.  
Нұрсұлтан Назарбаев Қазақстан мен Еуропадағы қауіпсіздік және ынтымақтастық ұйымы арасындағы ықпалдастық пен кооперацияны одан әрі дамытудың маңызды екенін айтты.
Өз кезегінде Т.Гремингер Қазақстан Президентінің өңірлік қақтығыстарды реттеу және бейбітшілікті нығайту ісіндегі рөлі мен үлесін ерекше атап өтті.


Жаңалықтармен бөлісу: