Павлодар. 1 желтоқсан. ҚазТАГ – Екібастұздағы ЖЭО апат дерегі бойынша қылмыстық іс қозғалды, деп хабарлады ҚазТАГ.
«30 қарашада «Екібастұзжылуэнерго» ЖШС жылу желілеріндегі ірі апат, желідегі су қысымының төмендеуі және су ысытатын қазандықтардың тоқтап қалу дерегі бойынша ҚР ҚК 254 бабы бойынша сотқа дейінгі тергеу амалдары тіркелді, ол үшін кінәлі тұлғалар бес жылға дейін бас бостандықтарынан айырылуы мүмкін», - деп хабарлады сәрсенбі күні Павлодар облысының прокуратурасынан.
Ведомство атап өткендей, апат салдарынан бірнеше ондаған көпқабатты және жеке үйлер, бірқатар әлеуметтік нысандар жылудан ажыратылған, 123 тұрғын қауіпсіз жерге көшірілген, оның ішінде балалар да бар. Білім беру нысандары қашықтықтан оқыту форматына көшті, балабақшалардың жұмысы тоқтап қалды.
Сотқа дейінгі тергеу амалдарын жүргізу Павлодар облысы бойынша полиция департаменті қызметкерлерінің ведомствоаралық жедел-тергеу тобына, экономикалық тергеу департаменті мен сыбайлас жемқорлыққа қарсы іс-қимыл департаментіне тапсырылды.
«Қылмыстық қудалаудың заңдылығын бақылауды жүзеге асыру бойынша процессуалдық прокурорлар тобы анықталды», - деп атап өтті қадағалаушы органнан.
Тергеу барысы Павлодар облысы прокурорының жеке бақылауында.
Атап өтелік, Клебанов Екібастұздағы, Павлодардағы, Петропавл мен Астанадағы ЖЭО-ны бақылайды. Тағы бір олигарх - Дінмұхамет Ыдрысов, ол мәжілістің экс-спикері Нұрлан Нығматулиннің құдасы болып келеді, Қарағанды мен Өскемендегі ЖЭО бақылайды. Ол жерде де жақында ақау орын алды.
Еске салсақ, 27 қарашаға қараған түні Екібастұз 30 градустық аязда ЖЭО-дағы қазандықтың істен шығуы салдарынан жылусыз қалды. Нысанды олигарх Александр Клебанов бақылайды екен – жыл басынан бері бұл ол бақылайтын ЖЭО-дағы екінші ірі апат.
27 қараша күні түске қарай Павлодар облысының әкімі Абылкаир Скаков мәлімдегендей, Екібастұздағы жылу желілерінде көптеген ақау табылған және соның салдарынан ірі апат орын алуы мүмкін. Энергетика министрлігінде аталмыш апатты «тарифтің төмендігімен» байланыстырды. Екібастұздан ішінара эвакуациялау басталды.
Соңғы ақпар бойынша қалада шамамен 130 көпқабатты тұрғын үй қалған, анықталған ақау саны 15-ке жеткен. 28 қарашада Екібастұзда балабақшалар жұмыс жасамайды деп күтілуде. Ал оқушылар онлайн-оқытуға көшіріледі. 28 қараша күні қала әкімдігі Екібастұздағы ЖЭО-дағы жағдай тұрақтандырылды деп хабар берді.
28 қараша күні Тоқаев проблемалы энергетикалық активтерді мемлекет меншігіне қайтаруды қарастыруды тапсырды.
Екібастұздағы балалар жағдай тұрақталғанша оқу-сауықтыру лагеріне жіберілді.
Екібастұздағы ЖЭО апат дерегі бойынша қылмыстық іс қозғалды
