«Нормативтік құқықтық актінің жобасы қылмыстық-атқару жүйесі мекемелерінде арнайы контингенттің мобильді құрылғыларды пайдалануын болдырмау бөлігінде реттеуді күшейтуді көздейді. Жобаның негізгі ережелері сотталғандар тарапынан байланыс құралдарын заңсыз пайдалануға жол бермеуге бағытталған қосымша бақылау шараларын, шектеулер мен жауапкершілікті белгілеуге бағытталған», - деп жобаның негізгі ережелерінің сипаттамасында айтылған.
Цифрлық даму, инновациялар және аэроғарыш өнеркәсібі министрлігінің мәлімдеуінше, жоба ақпарат және коммуникациялар министрлігінің 2018 жылғы 23 мамырдағы №226 «Ұялы байланыс абоненттік құрылғыларын тіркеу қағидаларын бекіту туралы» бұйрығына өзгерістер мен толықтырулар енгізуді көздейді.
Сонымен бірге жоба авторлары жобаны қабылдау қылмыстық-атқару жүйесі мекемелерінде мобильді құрылғыларды пайдалануға бақылауды күшейтуге, сотталғандар тарапынан жаңа қылмыстардың жасалу қаупін азайтуға, тыйым салынған заттардың таралу арналарының жолын кесуге, сондай-ақ қоғамдық қауіпсіздік пен құқықтық тәртіп деңгейін арттыруға мүмкіндік беретінін атап өтуде.
Фото көзі: pixabay.com