Финляндия Қазақстанның оңтүстігінде энергия қуатын арттыру үшін бу-газ қондырғыларын пайдалануға көмектеседі

Күні: 18:25, 18-10-2018.

Астана. 18 қазан. ҚазТАГ - Қазақстан Республикасының Президенті Н.Назарбаевтың Финляндия Республикасына сапары шеңберінде Қазақстан Республикасының Энергетика министрлігі тарапынан бірқатар халықаралық құжаттарға қол қойылды, деп хабарлады ҚР энергетика министрлігінің баспасөз қызметінен.  
«Қазақстан Республикасының Энергетика министрлігі мен «Wartsilia» компаниясы арасындағы ынтымақтастық туралы меморандум. Келісімнің мақсаты - Түркістан қаласындағы электр энергиясының маневрлік қуатын арттыруға мүмкіндік беретін бу-газ қондырғыларына газды пайдалану туралы Қазақстан Республикасының оңтүстік аймағында ынтымақтастықты дамыту», - делінген бейсенбідегі хабарда.
«Сонымен қатар, Қазақстан Республикасы Энергетика министрлігі, Батыс Қазақстан облысының әкімдігі және «ICM Recycling» консорциумы арасындағы ынтымақтастық туралы келісім. 2021-23 жылдарда полигонды дұрыс пайдалану арқылы биогаз қондырғысының құрылысы күтілуде. Қазіргі уақытта қағаз және пластик қалдықтары әрі қарай өңдеу үшін сұрыпталып жатыр. Қуаттылығы жылына 100 мың тонна болатын қалдықтарды сұрыптау кешенін салу жұмыстары басталды. Кешенді іске қосу ағымдағы жылғы желтоқсанға жоспарланған», - делінген баспасөз парақшасында.
Сондай-ақ, Қазақстан Республикасының Энергетика министрлігі, Финляндияның Экономикалық даму және жұмыспен қамту министрлігі мен Финляндия Қоршаған ортаны қорғау министрлігі арасындағы энергия және жасыл экономика саласындағы стратегиялық әріптестік жөніндегі өзара түсіністік туралы меморандумға да қол қойылды. Меморандумның мақсаты теңдік пен өзара тиімділік қағидаларына негізделген энергетика және жасыл экономика саласындағы екі жақты ынтымақтастықты нығайту және дамыту болып табылады.
Келесі қол қойылған құжат - Қазақстан Республикасының Энергетика министрлігі мен SETCleanTech арасындағы ынтымақтастық туралы меморандум. Меморандумның мақсаты қатты тұрмыстық қалдықтарды кәдеге жарату және Қазақстан Республикасындағы жаңартылатын энергия көздерін пайдалану жөніндегі жобалар шеңберінде ақпарат алмасу, сондай-ақ Қазақстан Республикасының қатты қалдықтар және жаңартылатын энергия көздері саласындағы заңнамасын жетілдіру бойынша консультациялық көмек көрсету болып табылады.    


Жаңалықтармен бөлісу: