Германияда грек-рим күресінен қазақстандықтар «күміс» пен «қола» иемденді

Күні: 09:55, 05-08-2019.

Астана. 5 тамыз. ҚазТАГ – Германияда грек-рим күресінен қазақстандықтар «күміс» пен «қола» иемденді, деп хабарлады жексенбі күні ҚР Ұлттық олимпиада комитетінің (ҰОК) баспасөз қызметінен.
«Грек-рим күресінен Қазақстан командасының мүшелері Дортмундта өткен Grand Prix of Germany халықаралық турнирінен екі медаль еншіледі. 63 келіде күрескен Алмат Кебіспаев күміс жүлдегер атанса, 77 келіде сынға түскен Асхат Ділмұхамедов қолаға қол жеткізді», - делінген жексенбідегі хабарда.
Айта кетелік, грек-рим күресінен Қазақстан командасы үшін аталған жарыс әлем чемпионаты қарсаңындағы маңызды дайындық кезеңдерінің бірі саналады.


Жаңалықтармен бөлісу: