Көктайғақ салдарынан Ақмола облысында үш тас жол учаскесінде қозғалыс шектелді

Күні: 12:56, 08-11-2019.

Астана. 8 қараша. ҚазТАГ – Көктайғақ салдарынан Ақмола облысында үш тас жол учаскесінде қозғалыс шектелді, деп хабарлады ҚР ІІМ ТЖК баспасөз қызметінен.
«8 қарашада таңғы уақыт 08:50-де ауа райының қолайсыздығына (көктайғақ) байланысты Ақмола облысы аумағындағы республикалық маңызы бар бірқатар автожолдар жабылып, көлік қозғалысы уақытша шектелді. Нақтырақ айтсақ, «Қостанай - Әулиекөл - Сұрған» (Қостанай облысы шекарасындағы – Сұрған кенті) автожолының 232-260 км, «Жезқазған – Петропавл» (Сұрған - Бұзылық) автожолының 552-536 км «Жақсы - Есіл – Бұзылық» автожолының 0-82 км»,- деді ТЖК ресми өкілі Нұрсұлтан Нұрахметов жұма күні.
Бұған дейін хабарлағандай, жаңбыр салдарынан жолдарда көктайғақтың орын алуына орай Нұр-Сұлтан-Щучинск жолының 124-231 шақырым бөлігінде 09.00-ден бастап қозғалыс шектелді.


Жаңалықтармен бөлісу: