Көп балалы 91 жасар ОҚО тұрғыны «Алтын алқамен» марапатталды

Шымкент. 4 қараша. ҚазТАГ – Оңтүстік Қазақстан облысының Сайрам ауданында көп балалы аналар алқамен марапатталды, деп хабарлады облыстық әкімшілік баспасөз қызметінен
«Аудандық әкімшілікте көп балалы аналарға мемлекеттік наградалар табыс етілді. «Алтын алқа» - 11 анаға тапсырылып, «Күміс алқа» - 61 анаға тапсырылды», - делінген әкімшілік сайтында.
Хабарда айтылғандай, алтын алқа иегерлерінің арасындағы ең жасы - 28 жасар Жұлдыз ауыл округынан Орынкүл Бабаева, ал ең егдесі -  Қарасу ауылының тұрғыны, 1923 жылғы Г.Сарсембаева болды.