Канададағы каратэден халықаралық турнир аяқталып, қазастандықтар жеті медаль жеңіп алды

Күні: 11:35, 24-06-2019.

Астана. 24 маусым. ҚазТАГ – Канададағы каратэден халықаралық турнир аяқталып, қазастандықтар жеті медаль жеңіп алды, деп хабарлады ҚР Ұлттық олимпиада комитеті (ҰОК) баспасөз қызметінен.
«Канаданың Монреаль қаласында каратеден «А» сериясы аясындағы Премьер-лига турнирі аяқталып, Қазақстан командасы жеті медаль жеңіп алды», - делінген дүйсенбідегі ҰОК хабарында.
60 келідегі Дархан Асаділов пен 55 келідегі Сабина Захарова алтын медаль иеленсе, тағы бес спортшымыз қола жүлдеге қол жеткізді.
«Команда үздігі Дархан Асаділов финалда жас әрі талантты спортшы, жапониялық Саго Наотомен кездесті. Тартысты өткен кездесу тағдырын Дарханның маңызды соққысы шешіп, қазақстандық каратеші әлем үздігі екенін тағы бір дәлелдеді. Бұған дейін спортшылар екі рет жолығып, бір-бірден жеңіліс тапқан болатын», - делінген хабарда.
Азия ойындарының күміс жүлдегері Сабина Захарова көпке созылған үзілістан соң жеңіс тұғырына қайта оралды. Финалда Захарова әлемде үздік бестікке енетін неміс қызы Яна Битчті ұтты.
Сондай-ақ, кіші финалда жүлдеге таласқан бес спортшымыз да кездесулерін жеңіспен аяқтады. 60 келідегі Еркінбек Байтөреев әлемдік рейтингте бірінші тұрған италиялық Анджело Кречензоны, 67 келідегі Дидар Әмірәлі тағы бір италиялық спортшы Лука Маресканы, 75 келідегі Ермек Айназарова словакиялық Давид Подстланды, 84 келідегі Игорь Чехмарев австриялық Робин Реттенбахерді жеңген болатын. Сондай-ақ, жақында Шанхайдағы турнирде жеңіске жеткен Софья Берульцева бұл жолы да үздік үштік қатарына енді.


Жаңалықтармен бөлісу: