Хакерлер 10-нан астам ірі әлемдік телекоммуникациялық компаниялардың желісін бұзды

Күні: 15:57, 25-06-2019.

Алматы. 25 маусым. ҚазТАГ – Хакерлер 10-нан астам ірі әлемдік телекоммуникациялық компаниялардың желісін бұзды және жеке деректерге қол жеткізді, деп хабарлады Reuters.
«Хакерлер 10-нан астам ірі әлемдік телекоммуникациялық компаниялардың желісін бұзып, жеке және корпоративті мәліметтердің үлкен көлемін ұрлаған. Cybereason киберқауіпсіздік жөніндегі америкалық компаниялардың тергеушілері үкімет мүшелері, құқыққорғау органдарының қызметкерлері мен саясаткерлер туралы ақпарат алу мақсатында 30-дан астам елдің компанияларының желісін бұзған деп мәлімдеді», - делінген хабарда.
Бұл ретте Cybereason зардап шеккен компаниялар мен елдерді атаудан бас тартты, бірақ хаккерлердің бұрын APT10 деген атпен белгілі қытайлық хакерлер тобының құралдарын пайдаланғанын айтты.
Басылым атап өткендей, Бейжің әлі де Батыс Еуропадағы телекоммуникациялық операторларды көздеп отыр.
Басылым ақпарынша, кейбір жағдайларда хакерлер өздері қызықтырған мекемедегі қолданушының аты мен пароліне де қол жеткізіп отырған. Олар сондай-ақ, жеке мәліметтерді де алған, соның ішінде шоттары, қоңырау жазбалары туралы ақпарат та бар.


Жаңалықтармен бөлісу: