Халықаралық тау фестивалі Алматыда қыркүйекте өтеді

Күні: 18:40, 09-08-2022.

Алматы. 9 тамыз. ҚазТАГ – Халықаралық тау фестивалі Алматыда қыркүйекте өтеді, деп хабарлады әкімдіктің баспасөз қызметінен.
«Қазақстандық тау туризмі мен спортты насихаттауға арналған халықаралық Almaty Mount Fest фестивалі Алматыда төртінші мәрте 2-5 қыркүйек аралығында өтеді. Спорттық жарыстар мен мәдени іс-шаралар негізінен биік таулы «Медеу» және «Шымбұлақ» курорттарында өтеді», - делінген хабарда.
Бірнеше күнге жалғасатын шара барысында кәсіби және әуесқой спортшылар тауға жылдам шығу, топтық саяхат, тау велосипедімен түсу және альпинистік өрмелеу секілді жарыс түрлеріне тегін қатыса алады.
Ұйымдастырушылар фестивальге 6 мыңнан астам адам келеді деп күтуде.
Барлық ақпарат www.mountfest.kz.


Жаңалықтармен бөлісу: