Алматы. 15 сәуір. ҚазТАГ – Коронавирусқа қарсы вакцина алғанннан кейін өзін жайсыз сезінген жағдайда жұмысқа уақытша жарамсыздық қағазын алуға болады, деп мәлімдеді №4 қалалық емхананың мониторинг және талдау бөлімінің басшысы Гүлжан Қартаева.
«Егер вакцина алғаннан кейін науқастың дене қызуы көтерілсе, ол жұмысқа уақытша жарамсыздық қағазын рәсімдей алады», - деп хабарлады бейсенбідегі брифингте Қартаева.
Оның айтуынша, қазіргі таңда Алматыда вакцинаның 68 330 дозасы бар, 34,9 мың көлемдегі келесі транш 23 сәуірде күтілуде.
Коронавирусқа қарсы вакцина алғаннан кейін жұмысқа уақытша жарамсыздық қағазын алуға болады – Алматы дәрігерлері
