Астана. 6 қаңтар. ҚазТАГ – Қазақстан Ұлттық Банкі «Қазақстанның орнықтылық қоры» АҚ-ны «Баспана» ипотекалық ұйымы» АҚ-мен қоспақ, деп хабарлады қаржылық реттеушінің баспасөз қызметінен.
«Қазақстан Ұлттық Банкі жалғыз акционер ретінде «Қазақстанның орнықтылық қоры» АҚ-ты оған «Баспана» ипотекалық ұйымы» АҚ-ты қосу нысанында ерікті қайта ұйымдастыру туралы шешім қабылдады», - делінген дүйсенбідегі хабарда.
Хабарда атап өтілгендей, қайта ұйымдастырылған компания «Баспана» ипотекалық ұйымы» АҚ мен «Қазақстанның орнықтылық қоры» АҚ қызмет бағыттарын сақтайды: екінші деңгейдегі банктерді қаржылық қолдау арқылы банк секторының қаржылық тұрақтылығына жәрдемдесу; ипотекалық тұрғын үй қарыздарын (ипотекалық қарыздарды) қайта қаржыландыру жөніндегі мемлекеттік бағдарламаны іске асыру, сондай-ақ бағдарламаға сәйкес екінші деңгейдегі банктер берген ипотекалық тұрғын үй қарыздары бойынша талап ету құқығын сатып алып, «7-20-25. Әрбір отбасына баспана алудың жаңа мүмкіндіктерін беру» ипотекалық тұрғын үй кредиттеу бағдарламасы мен «Баспана Хит» нарықтық ипотекалық өнім операторының функцияларын жүзеге асыру.
«Қайта ұйымдастыру банк секторын дамыту және халық үшін ипотекалық қарыздардың қолжетімділік деңгейін арттыру мақсатында «Баспана» ипотекалық ұйымы» АҚ мен «Қазақстанның орнықтылық қоры» АҚ активтерін тиімді пайдалануды арттыруға мүмкіндік береді», - деп мәлімдеді Ұлттық банктен.
Ұлттық Банкі «Қазақстанның орнықтылық қоры» АҚ-ны «Баспана» ипотекалық ұйымы» АҚ-мен қоспақ
