Маңғыстау облысында сарышаяндардың адамдарды шағуы жиілеп кетті

Күні: 18:37, 06-02-2020.

Ақтау. 6 ақпан. ҚазТАГ – Маңғыстау облысында сарышаяндардың адамдарды шағуы жиілеп кетті, деп хабарлады «Лада».
«Маңғыстау облыстық жедел жәрдем және жедел медициналық жәрдем қызметіне Бейнеу ауданының тұрғындарынан сарышаян шақты деген үш шағым түсті», - деп хабарлады бейсенбіде сарышаяндардың түнде шаққандарын нақтылаған Маңғыстау облыстық денсаулық сақтау басқармасының баспасөз қызметінен.
Зардап шеккендер – 16 және 17 жастағы қыздар, сондай-ақ 62 жастағы ер адам.
«Барлығына алғашқы медициналық көмек көрсетілді. Ауруханаға жатқызуға еш қажеттілік жоқ. Дәрігерлер мен фельдшерлер оларға ары қарай қаралу үшін тұрғылықты жерлері бойынша дәрігерге баруға кеңес берді. Айта кету керек, соңғы екі тәулікте сарышаяндардың шағуынан 10 адам зардап шекті. Зардап шеккендердің алтауы Бейнеу ауданының тұрғындары», - деді денсаулық сақтау басқармасынан.
Хабарда атап өтілгендей, сарышаяндар тек жеке тұрғын үйлерде ғана шаққан.
«Оның үстіне сарышаяндар тек түнде ғана шаққан, әсіресе таңға жақын. 10 жағдайдың 9-ында әйелдер зардап шеккен», - деді баспасөз қызметінен.


Жаңалықтармен бөлісу: