Матвиенко қайтадан ТМД Парламентаралық Ассамблеясының Кеңесін басқарды

Күні: 14:44, 27-11-2020.

Алматы. 27 қараша. ҚазТАГ - Ресей Федерациясы Федералды Жиналысы Федерация Кеңесінің (Сенатының) Төрағасы (спикері) Валентина Матвиенко Тәуелсіз Мемлекеттер Достастығы (ТМД) Парламентаралық Ассамблеясы Кеңесінің (ПАК) төрағасы қызметіне қайта сайланды, деп хабарлады ТМД ПАА баспасөз қызметі.
«Ресей Федерациясы Федералды Жиналысының Федерация Кеңесінің Төрағасы Валентина Матвиенко Тәуелсіз Мемлекеттер Достастығы Парламентаралық Ассамблеясы Кеңесінің Төрағасы болып қайта сайланды», - делінген жұмада таратылған хабарламада.
ТМД ПАА Кеңесінің отырысы Санкт-Петербургтегі Таврия сарайында өтіп жатыр. Іс-шараға Достастық елдерінің парламенттік делегацияларының басшылары, сондай-ақ ТМД органдары мен халықаралық ұйымдардың өкілдері қатысуда.
Естеріңізге сала кетейік, Матвиенко 2013 жылдың желтоқсанынан бастап ТМД ПАА Кеңесінің жетекшісі болды.


Жаңалықтармен бөлісу: